Ճապոնիայի կենտրոնական հատվածում մի քանի հզոր երկրաշարժ է տեղի ունեցել. Երկրի Ազգային օդերևութաբանական վարչության տվյալներով՝ մինչև 7,4 մագնիտուդ ուժգնությամբ երկրաշարժեր են տեղի ունեցել Իշիկավա և Նիիգատա պրեֆեկտուրաների տարածքում։ Այս մասին հայտնում է ՏԱՍՍ գործակալությունը:
Զոհերի և ավերածությունների մասին տեղեկություններ չկան, սակայն երկրի ամբողջ արևմտյան ափի համար հայտարարվել է ցունամիի վտանգ՝ ալիքների բարձրությունը կարող է հասնել 5 մետրի։ Տեղի բնակիչներին հորդորում են անհապաղ լքել ափամերձ տարածքը։
Միևնույն ժամանակ, այս պահերին ամբողջ երկրում երրորդ անգամ գործարկվել է հզոր երկրաշարժերի նախազգուշացման համակարգը. տեղի բնակիչներին կոչ է արվել պատրաստվել նոր ցնցումների:
Ճապոնիայում երկրաշարժերից հետո ստուգում են միջուկային օբյեկտների վիճակը, հայտնում են էներգետիկ ընկերությունները։
