Բաքվի և Թբիլիսիի միջև քույր քաղաքների հարաբերությունների հաստատման հուշագրի շուրջ աշխատանքներն ավարտին են մոտենում: Նախաձեռնությունը Վրաստանում Ադրբեջանի դեսպանությանն է: Այս մասին տեղեկացնում է Грузия Онлайн պորտալը:
Թբիլիսիի փոխքաղաքապետ Անդրիյա Բասիլայան նշել է, որ քաղաքապետարանը շահագրգռված է, որ Վրաստանի մայրաքաղաքը հարաբերությունների որակական նոր մակարդակի հասնի Բաքվի ՝ բարեկամական ու եղբայրական պետություն Ադրբեջանի կենտրոնական քաղաքի հետ:
1997 թվականից Բաքուն և Թբիլիսին գործընկեր քաղաքներ են: Ադրբեջանի և Վրաստանի արդյունաբերական քաղաքները՝ Սումգայիթը և Ռուսթավին, 1952 թվականին են դարձել քույր քաղաքներ:
