Հայկական կողմը շահագրգռված է ընդլայնելու և զարգացնելու Գյումրիում տեղակայված 102-րդ ռուսական ռազմաբազայի ներուժը, РИА Новости-ին տված հարցազրույցում հայտարարել է ՀՀ պաշտպանության նախարար Վաղարշակ Հարությունյանը:
«Հայաստանի Հանրապետության տարածքում ռուսական ռազմաբազայի ընդլայնման և ամրապնդման հարցը միշտ եղել է օրակարգում, և դա հայկական կողմին միշտ հետաքրքրել է այն պարզ պատճառով, որ բազան իր ամբողջ կազմով ներառված է Հայաստանի և Ռուսաստանի զինված ուժերի զորքերի (ուժերի) համատեղ խմբում և, հետևաբար, բազայի կարողությունների ընդլայնումն ինքնաբերաբար ենթադրում է Կովկասյան տարածաշրջանում երկկողմանի հիմքերով գործող համատեղ խմբի կոլեկտիվ անվտանգության ներուժի ավելացում», – ասել է նախարարը:
«Եվ ես համոզված եմ, որ այս գործընթացը երկարաժամկետ է լինելու», – նշել է Հարությունյանը:
