Անհայտ անձինք կրակ են բացել Կազանի թիվ 175 դպրոցում: Նախնական տեղեկությունների համաձայն՝ հրաձգության հեղինակներն անչափահասներ են եղել: Նրանցից մեկը բերման է ենթարկվել, մյուսը՝ չեզոքացվել:
Թաթարստանի նախագահը հայտարարել էր յոթ զոհի մասին, որոնցից չորսը տղա են, երեքը՝ աղջիկ. բոլորը ութերորդ դասարանի աշակերտներ են եղել: Նրա խոսքով՝ հոսպիտալացվել է 16 մարդ՝ 12 երեխա և 4 մեծահասակ:
Տարհանված երեխաների հետ աշխատում են հոգեբանները:
Դեպքի առնչությամբ քրեական գործ է հարուցվել: Շենքում շարունակվում են օպերատիվ գործողությունները:
Քաղաքում սահմանվել է հակաահաբեկչական գործողությունների ռեժիմ: Բոլոր կրթօջախներում ուժեղացվել են անվտանգության ապահովման միջոցները:
Ավելի վաղ ՏԱՍՍ-ը հայտնել Էր, որ հրաձգության հետեւանքով զոհվել են ուսուցիչը եւ վեց երեխաներ:
