ՀՀԿ փոխնախագահ Արմեն Աշոտյանը տեղեկացրել է, որ ռուսաստանյան կողմի նախաձեռնությամբ երեկ տեղի է ունեցել ՀՀԿ ղեկավար, ՀՀ երրորդ նախագահ Սերժ Սարգսյանի հանդիպումը Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ։Հանդիպման ընթացքում քննարկվել է Լեռնային Ղարաբաղի պատերազմի հետևանքների հետ կապված հարցերի լայն շրջանակ։ Ընթացիկ իրավիճակի քննարկման համատեքստում ընդգծվել է ռազմագերիների ու Ադրբեջանում պահվող այլ անձանց` Հայաստան վերադարձի, զոհված զինծառայողների մարմինների որոնման ուղղությամբ արդյունավետ ջանքերի գործադրման կարևորությունը։
![Սերժ Սարգսյանը հանդիպել է Սերգեյ Կոպիրկինի հետ](https://armenianpost.am/wp-content/uploads/2021/02/serj.jpeg)