ՆԳՆ ոստիկանության Արարատի մարզային վարչության քրեական հետախույզները գողության վերաբերյալ օպերատիվ տեղեկություն էին ստացել, որ նոյեմբերի 14-ին «Օպել» մակնիշի մեքենայի վարորդը տաքսի ծառայություն իրականացնելիս հափշտակել էր ուղևորի 120 000 դրամ արժողությամբ նվագարկիչը:
Ձեռնարկված միջոցառումների և բացատրական աշխատանքի արդյունքում նոյեմբերի 21-ին նորաշենցի 36-ամյա տղամարդը ներկայացել է ոստիկանության Արտաշատի բաժին: Նա խոստովանել է արարքը և ներկայացրել նվագարկիչը:
Կազմված փաստաթղթերն ուղարկվել են Արարատի մարզային քննչական վարչություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
