Ադրբեջանը վերադարձնելու է 15 գերիների։ Ենթադրվում է, որ նրանցից 12-ը Խծաբերդից ու Հին Թաղերից գերեվարված շիրակցիներն են,որոնց երեկ կես տարվա ազատազրկման են դատապարտել «Ադրբեջանի պետական սահմանը խախտելու» մեղադրանքով։
Միջազգային իրավունքի մասնագետ Արա Ղազարյանը լրատվամիջոցներին ասել էր, որ վճռի ուժի մեջ մտնելուց հետո զինծառայողները պետք է ազատ արձակվեն։
Համաձայն միջազգային իրավունքի` պատժի կրման ժամկետը հաշվարկվում է կալանավորման պահից։
Զինծառայողները գերեվարվել էին 2020 թ.-ի դեկտեմբերի 13-ին, այսինքն՝ 6 ամիսը լրացել է հունիսի 13-ին։
