ԱՄՆ Հյուսիսային Կարոլինա նահանգում բնակվող մեկամյա Քայդեն Լի Ուելչը դարձել է այնտեղ մոլեգնած փոթորկի զոհը: Փոքրիկը բաց է թողել մոր ձեռքը, երբ վերջինը փորձել է նրան անցկացնել ջրով հեղեղված փողոցը:
Քայդենի մոր խոսքով՝ ջրով հեղեղված ճանապարհների և տապալված ծառերի պատճառով ինքը չի կարողցել երեխային ավտոմեքենայով անվտանգ վայր տեղափոխել: Ուստի կինը որոշել է ոտքով հաղթահարել ճանապարհը, ինչը երեխայի համար ճակատագրական է եղել:
«Ես բռնել էի նրա ձեռքը և փորձում էի պահել, նրան դեպի ինձ ձգել, սակայն ուժերս լքեցին ինձ, և նա բաց թողեց ձեռքս»,-ասել է կինը:
Մի քանի օր անց զոհված տղային հայտնաբերել են փրկարարները: Նա երրորդ երեխան է, որը զոհվել է Հյուսիսային Կարոլինայում փոթորկի ժամանակ:
Նյութի աղբյուրը՝ Golos.ua:
