Սեպտեմբերի 22-ին ՄԱԿ-ի ԳԱ 78-րդ նստաշրջանի շրջանակներում կայացել է ՌԴ և Ադրբեջանի ԱԳ նախարարների` Սերգեյ Լավրովի ու Ջեյհուն Բայրամովի հանդիպումը:
Ադրբեջանական պատվիրակությունը կրկին Ռուսաստանից ներողություն է խնդրել սեպտեմբերի 20-ին ԼՂ-ում ռուս խաղաղապահների ողբերգական մահվան համար` ռուսական կողմին վստահեցնելով, որ մանրակրկիտ հետաքննությունն է անցկացվում, որն արդեն իսկ արդյունքներ է տալիս, և բոլոր մեղավորները իրենց արժանի պատիժը կստանան:
Կողմերը քննարկել են իրավիճակը տարածաշրջանում` շեշտը դնելով հումանիտար բաղադրիչի վրա: Քննարկվել են նաև արդիական մի շարք հարցեր:
