Սեպտեմբերի 23-ին, ժամը 14:46-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջաջուռ գյուղի թանգարանի մոտակայքում այրվում է վագոն-տնակ՝ ներսում կա կուտակած անասնակեր:
Այս մասին հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է Ջաջուռ գյուղի 5-րդ փողոցի վագոն-տնակներից մեկում։
Հրդեհը մեկուսացվել է ժամը 15:15-ին, մարվել՝ 15:57-ին: Վագոն-տնակում այրվել է կուտակած անասնակեր՝ մոտ 500 կգ, ջերմահարվել է վագոն-տնակի ներքին երեսպատումը՝ մոտ 0,2 խմ:
