Հոկտեմբերի 2-ին՝ ժամը 17:39-ին, Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մարալիկ-Գյումրի ավտոճանապարհին տեղի է ունեցել ՃՏՊ․ կա տուժած։
ՆԳՆ Փրկարար ծառայությունից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Գյումրի ավտոճանապարհի 102-րդ կմ-ին բախվել են Mercedes Benz (վարորդ՝ Ռ․ Ա․, ծնված 1984 թ.), Opel (վարորդ՝ Ա․ Խ․, ծնված 1977 թ.) և «ՎԱԶ» (վարորդ՝ Վ․ Հ․, ծնված 1981 թ.) մակնիշների ավտոմեքենաները. կա տուժած:
Փրկարարները «ՎԱԶ» մակնիշի ավտոմեքենայի ուղևոր Ռ․ Ս․-ին (ծնված 1962 թ.) մոտեցրել են շտապօգնության ավտոմեքենային, վերջինս հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել գազի բալոնների փականները:
