Ազնվամորի
Ազնվամորին բոլոր առումներով հիանալի հատապտուղ է: Այն գրեթե չի պարունակում ֆրուկտոզա, բայց բջջանյութի, վիտամինների և հակաօքսիդանտների մի ամբողջ պահեստ է, որը պատասխանատու է մաշկի գեղեցկության և ծերացման արտաքին նշանների նվազեցման համար: Ավելացրեք ազնվամորին շիլայի մեջ կամ կերեք մի բուռ որպես փոքրիկ խորտիկ:
Կիվի
Այս փափկամազ միրգը (որը, եթե ավելի խորանանք կենսաբանության մեջ, նույնպես հատապտուղ է), հարուստ է A և C վիտամիններով, B խմբի վիտամիններով, բջջանյութով և հակաօքսիդանտներով: Դրա մեջ շաքարի պարունակությունը գրեթե նույնքան ցածր է, որքան ազնվամորու մեջ, և կիվի կարելի է գնել ամբողջ տարին:
Թուրինջ
Իդեալական միրգ նրանց համար, ովքեր հոգ են տանում իրենց գեղեցկության և առողջության մասին։ Թուրինջը գրեթե չի պարունակում շաքար, բայց այն պարունակում է շատ վիտամիններ, օգտակար թթուներ և հակաօքսիդանտներ: Օրվա մեջ կես գրեյպֆրուտ կերեք, և շուտով կտեսնեք հաճելի փոփոխություններ տեսքի և ինքնազգացողության մեջ։
Ավոկադո
Չնայած մենք ավելի շատ սովոր ենք ավոկադոն տեսնել որպես ձվածեղի կամ բանջարեղենային աղցանի մի մաս, այն, միևնույն է, միրգ է: Ավոկադոյի առավելությունների մասին կարելի է անվերջ խոսել. նրա մեջ կան օմեգա -3 ճարպաթթուներ, վիտամինների և հանքանյութերի մի ամբողջ շարք և շաքարի գրեթե ամբողջական բացակայություն:
Ձմերուկ
Ձմերուկը ամռան հիմնական խորհրդանիշներից մեկն է: Չնայած այն հասանելի չէ ամբողջ տարվա ընթացքում, բայց ամառային սեզոնի սկիզբից, կարելի է հանգիստ ուտել այն՝ առանց որևէ սահմանափակումների: Բացի այդ, ձմերուկը երկաթի, կալիումի և A, B և C վիտամինների հիանալի աղբյուր է: -0-
