Ադրբեջանում 3,1 մագնիտուդ ուժգնությամբ երկրաշարժ է գրանցվել, հայտնում են ադրբեջանական լրատվամիջոցները։
Ստորգետնյա ցնցումները տեղի են ունեցել տեղական ժամանակով 21։00-ին։ Երկրաշարժի էպիկենտրոնը գտնվել է Կասպից ծովում՝ Աստարա կայարանից 45 կմ հարավ-արևելք։
Նշվում է, որ ցնցումները չեն զգացվել։
Հիշեցնենք, որ երեկ՝ դեկտեմբերի 7-ին, 5,6 մագնիտուդով երկրաշարժ էր գրանցվել Ադրբեջանի Սումգայիթ քաղաքից 61 կմ հյուսիս։ Էպիկենտրոնային գոտում ստորգետնյա ցնցման ուժգնությունը կազմել է 7-8 բալ:
Երկրաշարժը զգացվել է Տավուշի մարզի Նոյեմբերյան, Իջևան, Դիլիջան և Բերդ քաղաքներում ինչպես նաև Աչաջուր գյուղում՝ 3 բալ ուժգնությամբ։
